برکس اجلاس سے واپسی پر جنوبی افریقی صدر کی طبیعت ناساز
73 سالہ صدر سیرل رامافوسا نے عوامی مصروفیات محدود کردیں، وزرا کو مختلف تقریبات میں نمائندگی کی ہدایت
جوہانسبرگ: جنوبی افریقہ کے صدر سیرل رامافوسا بھارت میں برکس رہنماؤں کے سربراہی اجلاس میں شرکت کے بعد وطن واپسی پر علیل ہوگئے، جس کے باعث ان کی عوامی مصروفیات محدود کردی گئی ہیں۔
صدارتی ترجمان کے مطابق 73 سالہ رامافوسا نے کابینہ کے وزرا کو ہدایت کی ہے کہ وہ جہاں ممکن ہو پہلے سے طے شدہ عوامی تقریبات میں ان کی نمائندگی کریں۔ تاہم صدر کی طبیعت کی نوعیت اور ان کی غیر حاضری کی مدت کے حوالے سے مزید تفصیلات جاری نہیں کی گئیں۔
دوسری جانب جنوبی افریقہ کے نائب صدر پال ماشیٹائل بھی ایک طبی عمل کے بعد ڈاکٹروں کے مشورے پر آرام کررہے ہیں۔
متعلقہ پوسٹس
رپورٹ کے مطابق صدر رامافوسا کی غیر موجودگی میں وزیر خارجہ رونالڈ لامولا اقوام متحدہ کی جنرل اسمبلی میں جنوبی افریقہ کے وفد کی قیادت کریں گے۔