ٹرمپ کی مقبولیت 30 فیصد سے بھی نیچے آگئی

واشنگٹن: امریکی صدر ڈونلڈ ٹرمپ کی مقبولیت میں نمایاں کمی سامنے آئی ہے اور امریکن ریسرچ گروپ کے تازہ سروے میں ان کی مجموعی کارکردگی کی منظوری 29 فیصد ریکارڈ کی گئی، جبکہ 68 فیصد افراد نے ان کی کارکردگی کو ناپسند کیا۔

سروے میں معیشت کے حوالے سے بھی ٹرمپ انتظامیہ کیلئے منفی رجحان سامنے آیا۔ صرف 26 فیصد جواب دہندگان نے صدر کی اقتصادی کارکردگی کی حمایت کی جبکہ 71 فیصد نے اسے ناپسند کیا۔

مہنگائی، روزمرہ اخراجات اور ایندھن کی بڑھتی قیمتیں امریکی عوام کی معاشی تشویش میں اہم عوامل کے طور پر سامنے آئی ہیں۔

دوسری جانب مختلف سرویز میں ٹرمپ کی مقبولیت کے اعداد و شمار مختلف ہیں۔ 21 ستمبر کو جاری ہونے والے Reuters/Ipsos سروے میں ٹرمپ کی مجموعی منظوری 32 فیصد رہی، جبکہ صرف 17 فیصد امریکیوں نے بڑھتے ہوئے اخراجات سے نمٹنے کے ان کے طریقہ کار کی حمایت کی۔ اس سروے میں 1,277 امریکی بالغ افراد نے حصہ لیا اور غلطی کا تخمینہ تقریباً 3 فیصد پوائنٹس تھا۔