پیٹرول کی قیمت میں پھر اضافہ، فی لیٹر نیا ریٹ کتنا ہوگیا؟
پیٹرول 2 روپے 2 پیسے فی لیٹر مہنگا، ہائی اسپیڈ ڈیزل کی قیمت میں 3 روپے 59 پیسے کمی، نئی قیمتوں کا نوٹیفکیشن جاری
اسلام آباد: حکومت نے پیٹرولیم مصنوعات کی قیمتوں میں ایک بار پھر ردوبدل کرتے ہوئے پیٹرول مہنگا جبکہ ہائی اسپیڈ ڈیزل سستا کردیا ہے۔
جاری نوٹیفکیشن کے مطابق پیٹرول کی قیمت میں 2 روپے 2 پیسے فی لیٹر اضافہ کیا گیا ہے، جس کے بعد اس کی نئی قیمت 391 روپے 30 پیسے فی لیٹر مقرر ہوگئی۔
دوسری جانب ہائی اسپیڈ ڈیزل کی قیمت میں 3 روپے 59 پیسے فی لیٹر کمی کی گئی ہے، جس کے بعد نئی قیمت 408 روپے 53 پیسے فی لیٹر مقرر کی گئی ہے۔
متعلقہ پوسٹس
پیٹرولیم ڈویژن کے مطابق عالمی سطح پر پلاٹس ریٹس، پریمیم اور دیگر اخراجات میں تبدیلی کے باعث پیٹرولیم مصنوعات کی قیمتوں میں ردوبدل کیا گیا ہے۔