قلات میں مسلح افراد ایدھی ایمبولینس چھین کر فرار

کوئٹہ: بلوچستان کے ضلع قلات میں نامعلوم مسلح افراد ایدھی فاؤنڈیشن کی ایمبولینس چھین کر فرار ہوگئے۔

ایدھی ذرائع کے مطابق ایمبولینس ایک خاتون کی میت منتقل کرنے کے بعد قلات سینٹر واپس جارہی تھی کہ گیڈر کے علاقے میں نامعلوم مسلح افراد نے اسے روک لیا۔

 ۔ذرائع کا کہنا ہے کہ مسلح افراد نے ایدھی مددگار کو تشدد کا نشانہ بنایا اور ہائی ایس ایمبولینس چھین کر فرار ہوگئے۔

ایدھی ذرائع کے مطابق واقعہ صبح تقریباً 7 بج کر 15 منٹ پر پیش آیا۔ واقعے سے متعلق مزید تفصیلات سامنے آنے کا انتظار ہے۔