بلوچستان میں آپریشن ردالفتنہ 3، مزید 7 دہشت گرد ہلاک
پنجگور میں 5 جبکہ کچھی کے علاقے ڈھاڈر میں 2 دہشت گرد مارے گئے، کارروائی کے دوران اسلحہ و گولہ بارود بھی برآمد، متعدد دہشت گردوں کے زخمی ہونے کی اطلاعات
کوئٹہ: بلوچستان میں دہشت گرد عناصر کے خلاف آپریشن ردالفتنہ 3 کے تحت سیکیورٹی فورسز کی کارروائیاں جاری ہیں، پنجگور اور کچھی میں دو مختلف کارروائیوں کے دوران فتنہ الہندوستان سے تعلق رکھنے والے مزید 7 دہشت گرد ہلاک ہوگئے۔
سیکیورٹی ذرائع کے مطابق پنجگور کے علاقے فتح علی میں دہشت گردوں کی موجودگی کی اطلاع پر کارروائی کی گئی، جہاں سیکیورٹی فورسز نے 5 دہشت گردوں کو ہلاک کردیا۔ کارروائی کے بعد ہلاک دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔
دوسری کارروائی ضلع کچھی کے علاقے ڈھاڈر میں انٹیلی جنس معلومات کی بنیاد پر کی گئی، جس میں 2 دہشت گرد ہلاک ہوئے جبکہ متعدد کے زخمی ہونے کی بھی اطلاعات ہیں۔
متعلقہ پوسٹس
سیکیورٹی ذرائع کا کہنا ہے کہ بلوچستان میں امن و امان کے قیام اور دہشت گرد عناصر کے خاتمے کے لیے کارروائیوں کا سلسلہ جاری رکھا جائے گا۔