بجلی کی قیمتوں میں اضافہ
مہنگائی کی چکی میں پستے عوام کے لیے ایک اور بری خبر آ گئی ہے جہاں وفاقی حکومت نے عوام کو مزید ریلیف دینے کے بجائے بجلی کی قیمتوں میں ظالمانہ اضافہ کر دیا ہے۔ نیپرا نے سینٹرل پاور پرچیزنگ ایجنسی (CPPA) کی ماہ جولائی کی فیول پرائس ایڈجسٹمنٹ کی درخواست پر اپنا فیصلہ سناتے ہوئے بجلی 2 روپے 51 پیسے فی یونٹ مہنگی کرنے کی باضابطہ منظوری دے دی ہے، جس سے صارفین پر اربوں روپے کا اضافی مالی بوجھ لاد دیا گیا ہے۔
نیپرا کے اس فیصلے کے مطابق بجلی کی قیمت میں ہونے والے اس اضافے کا براہ راست اطلاق ماہ جولائی میں استعمال کیے گئے بجلی کے یونٹس پر ہوگا، اور یہ اضافی کٹوتی رواں ماہ کے بجلی کے بلوں میں صارفین سے زبردستی وصول کی جائے گی۔ پہلے ہی مہنگائی کے مارے عوام کے لیے اس ہوشربا اضافے نے گھروں کے بجٹ کو مکمل طور پر درہم برہم کر کے رکھ دیا ہے۔