ڈیرہ بگٹی میں خونی قیامت،ایک ہی وقت میں باپ بیٹے اور دو بھائیوں کے جنازے اٹھ گئے

ڈیرہ بگٹی میں خونی قیامت،ایک ہی وقت میں باپ بیٹے اور دو بھائیوں کے جنازے اٹھ گئے

ڈیرہ بگٹی (نمائندہ خصوصی)بلوچستان کے ضلع ڈیرہ بگٹی کے علاقے زین کوہ درینجن میں پیسوں کے لین دین پر دو گروپوں کے درمیان ہونے والا جھگڑا ہولناک خونی تصادم میں بدل گیا۔ دونوں جانب سے اندھا دھند فائرنگ کے نتیجے میں باپ بیٹے اور دو سگے بھائیوں سمیت 4 افراد موقع پر ہی جاں بحق، جبکہ ایک شخص شدید زخمی ہو گیا۔

پولیس ذرائع کے مطابق دونوں فریقین کے درمیان پہلے ہی سے رقم کے لین دین پر تنازع چل رہا تھا۔ آج اسی معاملے پر بات چیت کے دوران تلخ کلامی ہوئی، جس نے دیکھتے ہی دیکھتے شدت اختیار کر لی اور دونوں گروپوں نے ایک دوسرے پر جدید ہتھیاروں سے فائرنگ شروع کر دی۔

ایک گھر سے دو جنازے: جاں بحق ہونے والوں کی تفصیل

فائرنگ کے اس افسوسناک واقعے میں لاشوں کے ڈھیر لگ گئے۔ افسوسناک بات یہ ہے کہ ہلاک ہونے والوں میں:ایک گروپ سے باپ اور اس کا بیٹا شامل ہیں۔دوسرے گروپ سے دو سگے بھائی شامل ہیں۔

واقعے کی اطلاع ملتے ہی پولیس کی بھاری نفری نے جائے وقوعہ پر پہنچ کر علاقے کو گھیرے میں لے لیا۔ لاشوں اور زخمی شخص کو فوری طور پر قریبی اسپتال منتقل کیا گیا، جہاں زخمی کی حالت تشویشناک بتائی جاتی ہے۔ پولیس نے واقعے کی ایف آئی آر درج کر کے ملزمان کی گرفتاری کے لیے تحقیقات کا آغاز کر دیا ہے۔