اب مجرموں کا بچنا ناممکن، راتوں رات 80 جدید گاڑیاں پہنچ گئیں
اسلام آباد: وفاقی دارالحکومت کی پولیس کو جدید الیکٹرک گاڑیاں فراہم کرنے کا فیصلہ کر لیا گیا ہے، جس کا مقصد پولیس کی کارکردگی اور رسپانس ٹائم کو مزید مؤثر بنانا ہے۔
ذرائع کے مطابق اسلام آباد پولیس کے لیے تقریباً 80 جدید الیکٹرک گاڑیاں دارالحکومت پہنچ چکی ہیں، جنہیں جلد ہی پولیس کے حوالے کر دیا جائے گا۔
حکام کا کہنا ہے کہ ان گاڑیوں کی شمولیت سے پولیس کی گشت اور آپریشنل سرگرمیوں میں بہتری آئے گی، جبکہ ہنگامی حالات میں رسپانس ٹائم بھی کم ہوگا۔
متعلقہ پوسٹس
ذرائع کے مطابق الیکٹرک گاڑیوں کے استعمال سے پیٹرول اور دیگر ایندھن پر آنے والے اخراجات میں نمایاں کمی متوقع ہے، جس سے سرکاری وسائل کی بچت بھی ممکن ہوگی۔
یہ جدید گاڑیاں روزمرہ پیٹرولنگ، سیکیورٹی ڈیوٹی اور دیگر آپریشنل فرائض کی انجام دہی کے لیے استعمال کی جائیں گی