کیا بلوچستان میں ٹرین سروس مکمل طور پر معطل رہے گی؟جانیے
کوئٹہ: پاکستان ریلوے نے ریلوے ٹریک پر جاری مرمتی اور بحالی کے کام کے باعث بلوچستان سے ٹرین سروس آج (جمعرات) ایک روز کے لیے معطل کر دی ہے۔
ریلوے حکام کے مطابق کوئٹہ سے پشاور جانے والی جعفر ایکسپریس کی آج کی روانگی منسوخ کر دی گئی ہے، جبکہ پشاور سے کوئٹہ آنے والی جعفر ایکسپریس صرف جیکب آباد تک چلائی جائے گی اور وہاں سے آگے سفر نہیں کرے گی۔
متعلقہ پوسٹس
حکام کا کہنا ہے کہ ٹریک کی بحالی اور مسافروں کی حفاظت کو یقینی بنانے کے لیے یہ فیصلہ کیا گیا ہے۔ پاکستان ریلوے نے متاثرہ مسافروں کو یقین دہانی کرائی ہے کہ منسوخ ہونے والی ٹرینوں کے ٹکٹوں کی مکمل رقم واپس کی جائے گی۔