بلاول بھٹو کی شادی سے متعلق خبروں کی حقیقت سامنے آگئی
کراچی: چیئرمین پیپلز پارٹی بلاول بھٹو زرداری کی شادی سے متعلق سوشل میڈیا اور مختلف ویب سائٹس پر گردش کرنے والی خبروں کی تردید سامنے آگئی ہے۔
رپورٹس میں دعویٰ کیا گیا تھا کہ بلاول بھٹو زرداری کی شادی طے ہوگئی ہے اور ان کی مبینہ دلہن کا تعلق یورپ کے ایک ملک سے ہے۔ بعض رپورٹس میں یہ بھی کہا گیا کہ صدر آصف علی زرداری اسی سلسلے میں یورپ گئے ہیں۔
تاہم میئر کراچی اور پیپلز پارٹی کے رہنما مرتضیٰ وہاب نے ان دعوؤں کو غلط اور بے بنیاد قرار دیتے ہوئے واضح کیا ہے کہ بلاول بھٹو زرداری کی منگنی یا شادی سے متعلق خبروں میں کوئی صداقت نہیں۔
متعلقہ پوسٹس
دوسری جانب بعض رپورٹس میں لیختن شٹائن میں صدر آصف علی زرداری کی مبینہ موجودگی اور شادی کی تاریخ طے کرنے کے دعوے کیے گئے، تاہم ان دعوؤں کی آزادانہ تصدیق نہیں ہوسکی۔
واضح رہے کہ 2023 میں صحافیوں سے غیر رسمی گفتگو کے دوران بلاول بھٹو سے شادی سے متعلق سوال کیا گیا تھا، جس پر انہوں نے صحافی سے کہا تھا کہ شادی انہوں نے کرنی ہے یا صحافی نے، اور سوال کرنے کی وجہ بھی دریافت کی تھی۔
فی الحال دستیاب تصدیق شدہ معلومات کے مطابق بلاول بھٹو زرداری کی منگنی یا شادی طے ہونے کی خبر کی پیپلز پارٹی کی جانب سے تردید کی گئی ہے۔