عوام کے پیسے واپس کرو، پیکج ضائع ہونے پر حکومت کا پی ٹی اے پر بڑا دباؤ
چیئرمین پاکستان ٹیلی کمیونیکیشن اتھارٹی (پی ٹی اے) نے کہا ہے کہ ملک بھر میں ٹیلی کام کمپنیوں کی تقریباً 9 ہزار موبائل سائٹس چوری کی وارداتوں کا شکار ہو چکی ہیں، جس کی وجہ سے کئی علاقوں میں موبائل سروسز متاثر ہوتی ہیں۔
انہوں نے بتایا کہ جب کسی صارف کی سروس بند رہنے کے باعث اس کا خریدہ گیا پیکج استعمال نہیں ہو پاتا تو حکومت کی ہدایات کے مطابق متعلقہ صارف کو اس کی رقم واپس کی جاتی ہے۔
متعلقہ پوسٹس
چیئرمین پی ٹی اے کے مطابق صارفین کو معیاری سروس کی فراہمی یقینی بنانے کے لیے اتھارٹی نے ناقص کارکردگی پر مختلف ٹیلی کام کمپنیوں پر مجموعی طور پر 4 ارب روپے کے جرمانے بھی عائد کیے ہیں۔
انہوں نے مزید وضاحت کی کہ موبائل فونز پر ٹیکس لگانے یا اس کی شرح مقرر کرنے کا اختیار پی ٹی اے کے پاس نہیں، بلکہ یہ ذمہ داری فیڈرل بورڈ آف ریونیو (ایف بی آر) کی ہے۔