کل پیٹرول کی قیمت کیاہوگی ؟ بڑی خبر سامنے آگئی
اسلام آباد: عالمی منڈی میں خام تیل کی بلند قیمتوں، درآمدی لاگت میں اضافے اور خطے میں جاری کشیدگی کے باعث پاکستان میں آئندہ پندرہ روزہ جائزے کے دوران پیٹرولیم مصنوعات کی قیمتوں میں اضافے کا امکان ظاہر کیا جا رہا ہے۔
مارکیٹ ذرائع کے مطابق اگر عالمی منڈی میں تیل کی قیمتوں میں موجودہ رجحان برقرار رہا تو پیٹرول کی قیمت میں 10 سے 20 روپے فی لیٹر جبکہ ہائی اسپیڈ ڈیزل کی قیمت میں 12 سے 25 روپے فی لیٹر تک اضافہ کیا جا سکتا ہے۔
ذرائع کا کہنا ہے کہ حتمی قیمتوں کا انحصار عالمی خام تیل کی قیمت، درآمدی پریمیم، ڈالر کے مقابلے میں روپے کی قدر اور حکومت کی جانب سے ٹیکسوں سے متعلق فیصلوں پر ہوگا۔
تاہم حکومت کی جانب سے تاحال پیٹرولیم مصنوعات کی قیمتوں میں رد و بدل سے متعلق کوئی باضابطہ اعلان یا نوٹیفکیشن جاری نہیں کیا گیا، اس لیے مذکورہ اعداد و شمار صرف ابتدائی مارکیٹ اندازوں پر مبنی ہیں۔
حکومت نئی قیمتوں کا باضابطہ اعلان آئندہ پندرہ روزہ جائزے کے موقع پر کرے گی، جس کے بعد ہی پیٹرول اور ڈیزل کی نئی قیمتوں کا حتمی تعین ہوگا۔