خضدار کی خاتون کا شوہر اور سوتیلے بہن بھائیوں پر سنگین الزامات
کوئٹہ میں ایک پریس کانفرنس کے دوران خضدار سے تعلق رکھنے والی خاتون ریحانہ سمالانی نے اپنے شوہر اور سوتیلے بہن بھائیوں پر مبینہ تشدد کے سنگین الزامات عائد کیے ہیں۔
جائیداد کا تنازع: ریحانہ سمالانی کے مطابق جائیداد کے تنازع کی وجہ سے ان پر مسلسل مبینہ تشدد کیا جاتا رہا، جس سے مجبور ہو کر انہیں اپنا گھر چھوڑ کر کوئٹہ منتقل ہونا پڑا۔
خاتون نے بتایا کہ ان کے جسم پر مبینہ تشدد کے نشانات موجود ہیں، تاہم وہ انہیں میڈیا کے سامنے لانے کی پوزیشن میں نہیں ہیں۔
متعلقہ پوسٹس
انہوں نے متعلقہ حکام سے فوری طور پر سیکیورٹی فراہم کرنے اور شوہر سے خلع کے حصول کے لیے قانونی مدد کی اپیل کی ہے۔
انہوں نے مطالبہ کیا کہ ان پر ہونے والے مبینہ تشدد اور جائیداد کے معاملے کی غیر جانبدارانہ تحقیقات کرائی جائیں اور ملوث افراد کے خلاف قانون کے مطابق سخت کارروائی کی جائے۔