تربت ،نامعلوم موٹرسائیکل سواروں کی فائرنگ، 3 نامی گرامی افرادقتل
ضلع کیچ کے علاقے درمکول پیدارک میں اندھا دھند فائرنگ کے ایک خونریز واقعے میں 3 افراد جاں بحق ہو گئے۔
پولیس ذرائع کے مطابق یہ سنسنی خیز واقعہ تربت سے تقریباً 30 کلومیٹر دور پیش آیا، جہاں موٹرسائیکل پر سوار نامعلوم حملہ آوروں نے اچانک تین افراد پر تابڑ توڑ فائرنگ کر دی اور موقع سے فرار ہو گئے۔ فائرنگ کے نتیجے میں تینوں افراد زخموں کی تاب نہ لاتے ہوئے موقع پر ہی دم توڑ گئے۔
جاں بحق ہونے والے افراد کی شناخت شاہ بیگ ولد سردار عزیز، امان اللہ ولد شیر محمد اور الطاف حسین ولد مراد کے ناموں سے ہوئی ہے۔ واقعے کی اطلاع ملتے ہی پولیس کی بھاری نفری نے علاقے کو گھیرے میں لے کر لاشوں کو ضروری قانونی کارروائی کے لیے اسپتال منتقل کر دیا۔
متعلقہ پوسٹس
پولیس کا کہنا ہے کہ واقعے کی اصل وجوہات فی الحال سامنے نہیں آ سکی ہیں، تاہم جائے وقوعہ سے شواہد اکٹھے کر کے مختلف پہلوؤں سے تحقیقات شروع کر دی گئی ہیں اور ملزمان کی گرفتاری کے لیے سرچ آپریشن جاری ہے۔