ہنہ اُرک حملے کے بعد بلوچستان حکومت کا بڑا ایکشن؛ کلی بابری میں پولیس اور ایف سی کا مشترکہ آپریشنل ہیڈ کوارٹر بنانے کا فیصلہ
ہنہ اُرک حملے کے بعد بلوچستان حکومت کا بڑا ایکشن؛ کلی بابری میں پولیس اور ایف سی کا مشترکہ آپریشنل ہیڈ کوارٹر بنانے کا فیصلہ
کوئٹہ: ہنہ اُرک اور گردونواح میں امن و امان کی صورتحال کو برقرار رکھنے اور سیکیورٹی کو مزید فول پروف بنانے کے لیے حکومتِ بلوچستان نے ایک بڑا فیصلہ کیا ہے۔ کلی بابری اور ہنہ اُرک کے علاقے میں پولیس اور فرنٹیئر کور (ایف سی) کی ایک مشترکہ سیکیورٹی چیک پوسٹ قائم کرنے کی منظوری دے دی گئی ہے۔
اس فیصلے کی سب سے اہم بات یہ ہے کہ مقامی آبادی نے سیکیورٹی اقدامات کو مؤثر بنانے کے لیے خود آگے بڑھ کر زمین فراہم کی ہے، تاکہ علاقے کا تحفظ یقینی بنایا جا سکے۔
متعلقہ پوسٹس
محکمہ داخلہ بلوچستان نے اس منصوبے پر فوری عملدرآمد شروع کر دیا ہے اور پولیس و ایف سی حکام کو ہدایت جاری کی ہے کہ وہ مجوزہ مقام، درکار نفری اور دیگر وسائل سے متعلق ایک مشترکہ رپورٹ جلد از جلد تیار کر کے پیش کریں۔
چیک پوسٹ کے قیام کا مقصد:
حکام کے مطابق اس نئی مشترکہ چیک پوسٹ کا بنیادی مقصد علاقے میں امن و امان کی صورتحال کو برقرار رکھنا، کسی بھی ہنگامی صورتحال میں فوری ردِعمل (Quick Response) کو ممکن بنانا اور قانون نافذ کرنے والے اداروں کے مابین سیکیورٹی رابطوں کو مزید مضبوط کرنا ہے۔