واشنگٹن: امریکا کے 3 نومبر 2026 کے وسط مدتی انتخابات میں ڈیموکریٹک پارٹی کی 100 سے زائد خواتین ایوانِ نمائندگان کے لیے منتخب ہونے کی اطلاعات سامنے آئی ہیں، جسے امریکی سیاست میں خواتین کی نمائندگی کے حوالے سے ایک اہم سنگِ میل قرار دیا جارہا ہے۔
رپورٹ کے مطابق امریکی کانگریس کے ایوانِ زیریں میں ڈیموکریٹک پارٹی کی منتخب خواتین کی تعداد پہلی مرتبہ 100 سے تجاوز کرگئی ہے۔
کامیاب خواتین امیدواروں میں نیویارک سے الیگزینڈریا اوکاسیو کورٹز، مشی گن سے رشیدہ طلیب اور منی سوٹا سے الہان عمر بھی شامل ہیں۔
انتخابی نتائج میں مختلف ریاستوں میں خواتین امیدواروں کی کامیابیوں کو بھی نمایاں اہمیت حاصل ہوئی ہے۔
رپورٹ کے مطابق ریاست جارجیا میں کیشا لانس باٹمز، ٹیکساس میں جینا ہنوسا اور نیو میکسیکو میں ڈیب ہالینڈ کی کامیابیوں کو تاریخی قرار دیا جارہا ہے۔
ڈیموکریٹک وومنز کاکس کے مطابق 2016 کے بعد سے ایوانِ نمائندگان میں ڈیموکریٹ خواتین کی نمائندگی میں 60 فیصد سے زائد اضافہ ہوا ہے۔
خواتین کی بڑھتی ہوئی نمائندگی کو امریکی کانگریس میں سیاسی شمولیت کے حوالے سے ایک اہم پیش رفت سمجھا جارہا ہے۔