اسماء جتک کیس کے حوالے سے بڑی پیشرفت
حکومت بلوچستان نے اسماء جتک کو ملنے والی مبینہ دھمکیوں اور ان کے والد کے قتل کے سنگین واقعے کا نوٹس لیتے ہوئے ایک باقاعدہ انکوائری کمیٹی قائم کر دی ہے۔
کمشنر قلات ڈویژن کو کمیٹی کا چیئرمین مقرر کیا گیا ہے۔
ارکان: کمیٹی میں ڈپٹی کمشنر حب، ڈپٹی کمشنر آواران، ایس پی حب اور دیگر حساس تحقیقاتی اداروں کے نمائندے شامل ہیں۔
متعلقہ پوسٹس
سیکرٹری: ایس پی حب کمیٹی کے سیکرٹری کی ذمہ داریاں بھی نبھائیں گے۔
کمیٹی واقعے کے تمام پہلوؤں اور اسماء جتک کو ملنے والی دھمکیوں کی مکمل تفتیش کر کے 15 دنوں کے اندر اپنی رپورٹ صوبائی حکومت کو پیش کرے گی۔
چند روز قبل اسماء جتک نے سوشل میڈیا پر ایک ویڈیو پیغام جاری کیا تھا جس میں انہوں نے اپنی اور اپنے اہلِ خانہ کی جان کو درپیش خطرات کا اظہار کرتے ہوئے تحفظ کی اپیل کی تھی۔ اس ویڈیو کے سامنے آنے کے بعد ان کے والد کو قتل کر دیا گیا، جس پر عوامی و سیاسی حلقوں میں شدید تشویش پائی جاتی ہے۔
