سعودی عرب کا دشمن پاکستان کا دشمن، دفاع کیلئے ہر حد تک جائیں گے: وزیر دفاع خواجہ آصف

اسلام آباد: وزیر دفاع خواجہ آصف نے کہا ہے کہ سعودی عرب کی سلامتی کو درپیش کسی بھی خطرے کی صورت میں پاکستان اس کے دفاع کیلئے سامنے آئے گا۔

خواجہ آصف کے مطابق خطرہ حوثیوں کی جانب سے ہو یا کسی دوسرے ملک کی طرف سے، سعودی عرب کی سکیورٹی کو چیلنج کرنے والے اقدام کے مقابلے میں پاکستان سعودی عرب کی مدد کیلئے موجود ہے۔

وزیر دفاع نے کہا کہ یہ بات واضح ہونی چاہیے کہ سعودی عرب کا دشمن پاکستان کا دشمن ہے اور ضرورت پڑنے پر پاکستان سعودی عرب کے دفاع کیلئے تمام دستیاب وسائل استعمال کرے گا۔