بلوچستان میں بڑی انتظامی تبدیلیاں متوقع؟ وزیراعلیٰ ہاؤس میں بیک وقت کئی اہم ملاقاتوں نے سب کو چونکا دیا
بلوچستان میں بڑی انتظامی تبدیلیاں متوقع؟ وزیراعلیٰ ہاؤس میں بیک وقت کئی اہم ملاقاتوں نے سب کو چونکا دیا
وزیراعلیٰ بلوچستان میر سرفراز بگٹی سے وزیراعلیٰ ہاؤس کوئٹہ میں صوبائی وزیر صحت بخت محمد کاکڑ، رکن صوبائی اسمبلی انجینئر زمرک خان اچکزئی، میر چاکر خان رند یونیورسٹی سبی کے وائس چانسلر ڈاکٹر ممتاز علی بلوچ، اور مختلف قبائلی رہنماؤں سمیت اہم شخصیات نے الگ الگ ملاقاتیں کیں۔ ان ملاقاتوں میں صوبے کی مجموعی سیاسی صورتحال، عوامی مسائل، گورننس اور تعلیم و صحت سے متعلق امور پر تفصیلی تبادلہ خیال کیا گیا۔
ملاقاتوں کے دوران وزیراعلیٰ میر سرفراز بگٹی نے واضح اور سخت الفاظ میں کہا کہ صوبائی حکومت عوام کو بنیادی سہولیات کی فراہمی اور ترقیاتی منصوبوں کی بروقت تکمیل کے لیے پوری طرح متحرک ہے۔ انہوں نے تنبیہ کی کہ عوامی مسائل کے حل میں کسی بھی قسم کی غفلت یا لاپرواہی کو ہرگز برداشت نہیں کیا جائے گا اور انتظامی امور کو مزید شفاف بنایا جائے گا۔
میر سرفراز بگٹی کا کہنا تھا کہ بلوچستان کو ترقی اور خوشحالی کی راہ پر گامزن کرنے کے لیے تمام اسٹیک ہولڈرز، قبائلی عمائدین اور ماہرینِ تعلیم کو ساتھ لے کر چلا جا رہا ہے۔ انہوں نے مزید کہا کہ صوبے کے دور دراز علاقوں کو ترقی کے مرکزی دھارے میں شامل کرنا اور تعلیم، صحت و روزگار کے شعبوں میں انقلابی اصلاحات لانا موجودہ حکومت کی اولین ترجیح ہے۔