شادی بیاہ کے لیے زیورات بنوانے کا بہترین وقت آ گیا،سونے کی قیمتوں میں زبردست کمی
کراچی: عالمی اور مقامی مارکیٹوں میں سونے کی قیمت میں کمی جبکہ چاندی کی قیمت میں اضافہ ریکارڈ کیا گیا ہے۔
بین الاقوامی بلین مارکیٹ میں سونے کی قیمت 5 ڈالر فی اونس کم ہوکر 4 ہزار 55 ڈالر کی سطح پر آگئی۔
عالمی مارکیٹ کے اثرات کے باعث مقامی صرافہ بازاروں میں بھی فی تولہ سونا 500 روپے سستا ہوگیا، جس کے بعد نئی قیمت 4 لاکھ 27 ہزار 936 روپے ہوگئی، جبکہ 10 گرام سونے کی قیمت 428 روپے کمی کے بعد 3 لاکھ 66 ہزار 886 روپے کی سطح پر آگئی۔
دوسری جانب چاندی کی قیمت میں اضافہ ہوا، فی تولہ چاندی 60 روپے اضافے سے 6 ہزار 351 روپے جبکہ 10 گرام چاندی 51 روپے اضافے کے بعد 5 ہزار 444 روپے ہوگئی۔