جی ایچ کیو میں بڑی ملاقات: فیلڈ مارشل کی ایسی بات جس نے عالمی وفد کو ہلا کر رکھ دیا
متعلقہ پوسٹس
راولپنڈی: ہارورڈ بزنس اسکول کے عالمی طلبہ کے ایک اعلیٰ سطح وفد نے جی ایچ کیو میں فیلڈ مارشل سید عاصم منیر سے اہم ملاقات کی ہے۔ آئی ایس پی آر کے مطابق اس نشست میں عالمی و علاقائی سکیورٹی کی صورتحال، امن کے فروغ اور پاکستان کی معاشی و سٹریٹجک اہمیت پر تفصیلی تبادلہ خیال کیا گیا۔ اس موقع پر گفتگو کرتے ہوئے فیلڈ مارشل نے زور دیا کہ سوشل میڈیا کے دور میں زہریلے پروپیگنڈے اور نام نہاد بیانیوں سے بچنے کے لیے حقائق پر مبنی تجزیہ بے حد ضروری ہے۔ انہوں نے نوجوانوں کے معاشی اور تعلیمی کردار کو اجاگر کیا۔ دوسری جانب ہارورڈ کے عالمی طلبہ نے پاکستان کے اس دورے، یہاں کی زبردست مہمان نوازی اور ملک میں موجود وسیع معاشی امکانات کا اعتراف کرتے ہوئے شاندار الفاظ میں خراجِ تحسین پیش کیا۔