لندن: دنیا بھر میں مسٹر بین کے کردار سے شہرت حاصل کرنے والے برطانوی اداکار اور کامیڈین روون اٹکنسن تقریباً 40 سال بعد اسٹیج پر واپسی کرنے جا رہے ہیں۔
روون اٹکنسن اگلے سال لندن کے ویسٹ اینڈ میں ایک خصوصی کامیڈی شو میں مرکزی کردار ادا کریں گے، جس میں نئے مزاحیہ خاکوں کے ساتھ ان کے ماضی کے مقبول کردار بھی پیش کیے جائیں گے۔
اس شو کی خاص بات یہ ہے کہ روون اٹکنسن ایک بار پھر اپنے پرانے ساتھیوں رچرڈ کرٹس، بین ایلٹن اور موسیقار ہاورڈ گوڈال کے ساتھ کام کریں گے، جن کے ساتھ وہ ماضی میں کامیاب کامیڈی منصوبوں کا حصہ رہ چکے ہیں۔
شو کا انعقاد لندن کے گیلین لین تھیٹر میں ہوگا، جہاں 8 فروری سے 13 مارچ 2027 تک صرف 30 پرفارمنسز پیش کی جائیں گی۔
روون اٹکنسن اپنے منفرد چہرے کے تاثرات، جسمانی حرکات اور بغیر مکالموں کے مزاحیہ اداکاری کی وجہ سے دنیا بھر میں مقبول ہیں۔
مسٹر بین کے کردار نے انہیں بین الاقوامی شہرت دلائی، جبکہ طویل عرصے بعد اسٹیج پر واپسی ان کے مداحوں کے لیے ایک دلچسپ موقع ہوگی۔