اسلام آباد: انکم ٹیکس گوشوارے جمع کرانے کی مہلت آج 30 ستمبر کو ختم ہورہی ہے، جس کے بعد تاخیر سے ریٹرن فائل کرنے والوں کو جرمانوں کا سامنا کرنا پڑ سکتا ہے۔
رپورٹ کے مطابق تاخیر سے گوشوارہ جمع کرانے پر فرد کیلئے جرمانہ 25 ہزار روپے تک، اے او پی کیلئے 50 ہزار جبکہ کمپنیوں کیلئے ایک لاکھ روپے تک مقرر کیا گیا ہے۔
ایف بی آر نے ٹیکس دہندگان کو ریٹرن کے ساتھ متعلقہ دستاویزات اور اثاثوں کی درست معلومات فراہم کرنے کی ہدایت کی ہے، جبکہ غلط یا چھپائی گئی معلومات پر قانونی کارروائی ہوسکتی ہے۔
دوسری جانب مختلف تجارتی اور ٹیکس تنظیموں نے IRIS پورٹل میں تکنیکی مسائل کا حوالہ دیتے ہوئے آخری تاریخ میں توسیع کا مطالبہ بھی کیا ہے۔