مکران کوسٹل ہائی وے پر خوفناک حادثہ
گوادر کے قریب مکران کوسٹل ہائی وے پر ماکولا کے مقام پر ایک مسافر کوچ اور پک اپ گاڑی کے درمیان خوفناک حادثہ پیش آیا ہے جس کے نتیجے میں 2 افراد جاں بحق ہو گئے ہیں
پولیس کے مطابق حادثے کی اطلاع ملتے ہی امدادی ٹیمیں فوری طور پر موقع پر پہنچیں اور جاں بحق ہونے والے افراد اور زخمیوں کو قریبی اسپتال منتقل کیا۔ جاں بحق ہونے والوں کی شناخت صغیر احمد ولد غفور (سکنہ تربت) اور امجد ولد استاد واحد میانداد (سکنہ بنگلہ بازار پسنی) کے نام سے ہوئی ہے۔ ایس پی کوسٹل ہائی وے پولیس حفیظ امیر نے بتایا کہ حادثے کے بعد کوچ کا ڈرائیور موقع سے فرار ہونے میں کامیاب ہوگیا ہے جبکہ پولیس نے کوچ کے کلینر کو حراست میں لے کر واقعے کی مزید تفتیش شروع کر دی ہے۔