دکی، کوئلہ کان میں زہریلی گیس کا دھماکہ
دکی: بلوچستان کے ضلع دکی میں کوئلہ کان کے اندر دل دہلا دینے والا حادثہ پیش آیا ہے، جہاں زیرِ زمین اچانک زہریلی گیس بھر جانے سے دم گھٹنے کے باعث 2 کان کن جاں بحق جبکہ 4 بے ہوش ہو گئے۔
متعلقہ پوسٹس
پولیس کے مطابق یہ المناک واقعہ اس وقت پیش آیا جب مزدور کان کے اندر معمول کے مطابق کام میں مصروف تھے۔ اسی دوران زہریلی گیس کی شدّت بڑھنے سے محبت اللہ اور روزی محمد موقع پر ہی دم توڑ گئے، جبکہ ان کے 4 ساتھی شدید بے ہوشی کی حالت میں چلے گئے۔ واقعے کی اطلاع ملتے ہی امدادی ٹیموں نے فوری ریسکیو آپریشن کر کے تمام افراد کو باہر نکالا اور ہسپتال منتقل کیا۔ ضابطے کی کارروائی کے بعد لاشیں ورثا کے حوالے کر دی گئی ہیں اور انتظامیہ نے حادثے کی مزید تحقیقات کا آغاز کر دیا ہے۔