ہرنائی میں زوردار دھماکہ
بلوچستان کے ضلع ہرنائی کے علاقے طور خام تنگی میں نامعلوم مسلح افراد نے رابطہ پل کو بارودی مواد سے نشانہ بنا کر تباہ کر دیا، جس کے باعث علاقے میں آمدورفت متاثر ہوگئی۔
علاقائی ذرائع کے مطابق دھماکے کے نتیجے میں پل کو شدید نقصان پہنچا، جس کے بعد ہرنائی سے سنجاوی جانے والی شاہراہ پر ٹریفک کی روانی معطل ہوگئی۔
واقعے کے بعد متعلقہ حکام نے موقع کا جائزہ لیتے ہوئے تحقیقات شروع کر دی ہیں، جبکہ علاقے میں سیکیورٹی اقدامات بھی بڑھا دیے گئے ہیں۔