کنوینس الاؤنس میں ہزاروں روپے کا یکمشت اضافہ
محکمہ بلدیات خیبر پختونخوا نے لوکل کونسل بورڈ کے فیصلہ جات اور فنانس ڈیپارٹمنٹ کی ہدایت پر معذور ملازمین کے خصوصی الاؤنس اور ریٹائرڈ اہلکاروں کی پنشن میں اضافے کا باقاعدہ نوٹیفکیشن جاری کر دیا ہے۔ ان اقدامات کا اطلاق یکم جولائی 2026 سے ہوگا، جس سے صوبے بھر کے متعدد بلدیاتی اداروں کے ملازمین مستفید ہوں گے۔
خصوصی کنوینس الاؤنس: معذور سرکاری ملازمین کے ماہانہ کنوینس الاؤنس کو 6,000 روپے سے بڑھا کر 10,000 روپے کر دیا گیا ہے۔ یہ الاؤنس لوکل کونسل بورڈ کے افسران و اہلکاروں، لوکل گورننس اسکول، کیپٹل میٹرو پولیٹن پشاور اور صوبے کی تمام تحصیل میونسپل انتظامیہ (TMA) کے معذور ملازمین پر لاگو ہوگا۔
متعلقہ پوسٹس
پنشن میں اضافہ: لوکل کونسل بورڈ کے تحت تمام پنشنرز کی نیٹ پنشن میں 7 فیصد اضافے کی منظوری دی گئی ہے۔ اس فیصلے سے میٹرو پولیٹن پشاور، تمام تحصیل میونسپل ایڈمنسٹریشنز اور متعلقہ اداروں کے ریٹائرڈ ملازمین کی ماہانہ پنشن میں اضافہ ہوگا۔
نوٹیفکیشن کے مطابق الاؤنس اور پنشن کی ادائیگی فنانس ڈیپارٹمنٹ کے مقررہ شرائط و ضوابط کے تحت کی جائے گی۔